ஜவ்பர்கான்–மட்டக்களப்பு
கிழக்கு பல்கலைக கழக மருத்துவ பீடத்திற்கு 62 புதிய மாணவர்கள் இணைத்துக்கொள்ளப்பட்டனர்.புதிய மாணவர்களை வரவேற்கும் நிகழ்வு மருத்துவபீட பீடாதிபதி வைத்திய கலாநிதி கே.ரி.சுந்தரேசன் தலைமையில் நடைபெற்றது.
மட்டக்களப்பு அரசடி மருத்துவ பீட வளாகத்தில் இடம்பெற்ற இவ்வைபவத்தில் கிழக்கு பல்கலை கழக பதில் பதிவாளர் எஸ்.பகீதரன் மட்டக்களப்பு போதனா வைத்தியசாலை பணிப்பாளர் டாக்டர் எம்.எஸ்.இப்றாலெப்பை உட்பட கிழக்கு பல்கலை கழக அதிகாரிகள் முக்கியஸ்தர்கள் பலரும் கலந்து கொண்டனர்.
புதிய மாணவர்களை பழைய மாணவர்கள் கைலாகு கொடுத்து வரவேற்றமை விசேட அம்சாகும்.
இங்கு உரையாற்றிய பீடாதிபதி சுந்தரேசன் ஏனைய மருத்துவ பீடங்களில் பகிடிவதைகள் இடம்பெற்றாலும் இம்மருத்துபீடத்தில் பகிடிவதையை ஒருபோதும் அனுமதிக்கமாட்டோம்.பகிடிவதை அற்ற மருத்துவ பீடமாக இது மிளிர்கிறது என்றார்.
