இலங்கையில் பேஸ்புக் உள்ளிட்ட சமூக வலைத்தளங்களை பயன்படுத்துவதற்கு வயதெல்லையை நிர்ணயிக்கும் சட்டமூலம்!

இலங்கை சைபர் கிரைம் அவதானிப்பு பிரிவு மற்றும் சட்ட வல்லுனர்களின் பங்கேற்புடன் இதற்கான சட்டவரைபு தற்போது தயாரிக்கப்பட்டு வருகின்றது.

சமூக வலைத்தளங்கள் ஊடாக வயதுகுறைந்த சிறுமிகள் பாலியல் துஷ்பிரயோகங்களுக்கு ஆளாகும் சம்பவங்கள் அண்மைக்காலத்தில் அதிகரித்து வருகின்றது.

இதனைத் தடுக்கும் வகையில் குறித்த சட்டத்தை நடைமுறைப்படுத்த அரசாங்கம் உத்தேசித்துள்ளதாக சட்ட மா அதிபர் திணைக்களத் தகவல் வட்டாரங்கள் தெரிவிக்கின்றன.

எனினும் குறித்த சட்ட வரைபு தொடர்பில் இதுவரை இறுதி முடிவு எதுவும் எடுக்கப்படவில்லை என்றும் தெரிய வந்துள்ளது.