முன்னாள் ஜனாதிபதி மஹிந்த ராஜபக் ஷவை சந்திப்பதற்கு ஜனாதிபதி மைத்திரிபால சிறிசேன திகதி ஒதுக்கியுள்ளதாக இராஜாங்க அமைச்சர் ரெஜினோல்ட் குரே தெரிவித்துள்ளார்.
கொழும்பு ஹைட்பார்க் மைதானத்தில் நேற்று நடைபெற்ற சிறிலங்கா சுதந்திரக் கட்சியின் மேதினக் கூட்டத்தில் உரையாற்றும்போதே அவர் மேற்கண்டவாறு குறிப்பிட்டார்.
அவர் அங்கு மேலும் உரையாற்றுகையில்,
முரண்பாடுகளை களைந்துகொள்ளும் நோக்கில் முன்னாள் ஜனாதிபதி மஹிந்த ராஜபக்ஷவும் ஜனாதிபதி மைத்திரிபால சிறிசேனவும் சந்தித்துப் பேச்சு நடத்தியுள்ளனர். முன்னாள் ஜனாதிபதி மஹிந்த ராஜபக்ஷவை சந்திப்பதற்கு ஜனாதிபதி மைத்திரிபால சிறிசேன திகதி ஒதுக்கியுள்ளார்.
நாங்கள் ஐக்கிய தேசிய கட்சியின் அடிமைகள் அல்ல. அடுத்த மே தினக் கூட்டத்தை சிறிலங்கா சுதந்திரக் கட்சியின் அரசாங்கத்தின் கீழ் நடத்துவோம் என்றார்.