ஜவ்பர்கான்
பாடசாலைகளுக்கிடையேயான தேசிய விளையாட்டு விழாவில் மல்யுத்தப்போட்டியில் மட்டக்களப்பு சிவானந்தா தேசிய பாடசாலை வெள்ளி பதக்கத்தை சவீகரித்துள்ளது.
வெற்றியீட்டிய பாடசாலை மாணவர் அணியினை வரவேற்கும் நிகழ்வு இன்று செவ்வாய்க்கிழமை (15) நடைபெற்றது.
குறித்த பாடசாலையைச் சேர்ந்த அணியில் எஸ்.கரிஜன், ரி.பார்த்தீபன், என். நிசோத், என். பிரகாஷ், எஸ்.ருவிகரன் ஆகிய 5 மாணவர்கள் வெள்ளிப் பதக்கங்களைப் பெற்று பாடசாலைக்கும் கிழக்கு மாகாணத்திற்கும் பெருமை சேர்த்துள்ளனர்.
கல்லடி இராமகிருஷ்ணமிசன் தலைவர் சுவாமி சதுர்புஜானந்தாஜீ அவர்களிடம் ஆசிபெற்ற பின்பு பாடசாலை நோக்கி ஊர்வலமாக அழைத்து வரப்பட்டனர்.
மட்டக்களப்பு வலய கல்விப் பணிப்பாளர் எஸ். பாஸ்கரன், பாடசாலையின் அதிபர் கே.மனோராஜ் மற்றும் ஆசிரியர்கள் ஊர்வலத்தில் கலந்து கொண்டனர்.
