நடைபெற்று முடிந்த பாராளுமன்ற தேர்தலின் போது விருப்பு வாக்கு எண்ணும் நடவடிக்கையில் எவ்வித முறைகேடுகளும் இடபெறவில்லை என தேர்தல்கள் ஆணையாளர் மஹிந்த தேசப்பிரிய தெரிவித்தார்.
விருப்பு வாக்குகள் எண்ணப்படும்போது முறைகேடுகள் இடம்பெற்றுள்ளதாக, சில நாட்களாக பல குற்றச்சாட்டுக்கள் சுமத்தப்பட்டு வருகின்றன.
இது தொடர்பில் கருத்து தெரிவிக்கையில்,
தேர்தல்கள் தொடர்பில் மக்கள் மத்தி யில் நன்மதிப்பு ஏற்பட்டுள்ள நிலையில் அவற்றை சீர்குலைக்கும் வகையில் இக்குற்றச்சாட்டுக்கள் அமைந்துள்ளன.விருப்பு வாக்குகள் எண்ணும்போது வேட்பாளர்களின் முகவர்கள் மற்றும் தேர்தல்கள் செயலக அதிகாரிகள் இணைந்து செயற்படும் போது இவ்வாறான முறைகேடுகள் நடைபெற முடியாது.
ஐ.தே.க.வில் போட்டியிட்டு தோல்வியை தழுவிய முன்னாள் இராஜாங்க அமைச்சர் ரோஸி சேனாநாயக்க, தமது விருப்பு வாக்குகள் எண்ணப்பட்ட விதம் சந்தேகத்திற்குரியதென குறிப்பிட்டுள்ளதோடு, அதனை மீள எண்ணுமாறு பிரதமரிடம் கோரிக்கை விடுத்திருந்தார். அதேநேரம் அளிக்கப்பட்ட வாக்குகளுக்கும் தேர் தல் முடிவுகள் வெளியானபோது குறிப்பிடப்பட்ட வாக்கு எண்ணிக்கைக்கும் வித்தியாசம் காணப்படுவதாகவும், இது குறித்து நீதிமன்றத்தை நாடவுள்ளதாகவும் தேச விடுதலை கட்சியின் தலைவர் கலகம தம்மரங்சி தேரர் தெரிவித்திருந்தமையும் இங்கு குறிப்பிடத்தக்கது.