ஐக்கிய மக்கள் சுதந்திர முன்னணியில் கொழும்பு மாவட்ட குழுத் தலைவராக சுதந்திரக் கட்சியின் தேசிய அமைப்பாளர் சுசில் பிரேம்ஜயந்த நியமிக்கப்பட்டுள்ளார்.
அந்த வகையில் ஐக்கிய மக்கள் சுதந்திர முன்னணியின் பொதுச் செயலாளரும் ஸ்ரீலங்கா சுதந்திர கட்சியின் தேசிய அமைப்பாளருமான சுசில் பிரேம்ஜயந்த எதிர்வரும் பொதுத் தேர்தலில் கொழும்பு மாவட்டத்தில் தலைமை வேட்பாளராக போட்டியிடவுள்ளார்.
ஐக்கிய மக்கள் சுதந்திர முன்னணி சார்பில் தேர்தலில் போட்டியிடும் வேட்பாளர்கள் நேற்று வேட்பு மனுவில் கைச்சாத்திட்டுள்ளனர்.
விமல் வீரவன்ச,வாசுதேவ நாணயக்கார பந்துல குணவர்த்தன டலஸ் அழகபெரும உள்ளிட்டோர் நேற்றைய தினம் ஐக்கிய மக்கள் சுதந்திர முன்னணியின் வேட்பு மனுவில் கைச்சாத்திட்டுள்ளனர். இதேவேளை எதிர்வரும் பொதுத் தேர்தலில் தனித்து போட்டியிடவுள்ள பீல்ட் மார்ஷல் சரத் பொன்சேகா தலைமையிலான ஜனநாயகக் கட்சி நேற்றைய தினம் வேட்பு மனுக்களை கொழும்பு மாவட்டத்தில் தாக்கல் செய்துள்ளது.அதன்படி பீல்ட் மார்ஷல் சரத் பொன்சேகா கொழும்பு மாவட்டத்தில் போட்டியிடவுள்ளார்.