ஆஸ்திரேலியா கிராண்ட் பிரிக்ஸ் நீச்சல் போட்டியின் இறுதிப்போட்டி இன்று நடைபெற்றது. இதன் 100 மீட்டர் பிரீஸ்டைல் பிரிவில் ஆஸ்திரேலியா வீராங்கனை கேத் கேம்ப்பெல் பந்தய தூரத்தை 52.06 வினாடிகளில் கடந்தார். இதன் மூலம் உலக சாதனைப்படைத்துள்ளார்.
இதற்கு முன் 2009-ம் ஆண்டு ரோம் நகரில் நடைபெற்ற பினா உலக சாம்பியன்ஷிப் போட்டியில் ஜெர்மனி வீராங்கனை பிரிட்டா ஸ்டீபன் பந்தய தூரத்தை 52.07 வினாடிகளில் கடந்தார். இதுதான் இதுவரை உலக சாதனையாக இருந்தது. தற்போது கேம்ப்பெல் 52.06 வினாடிகளில் கடந்து 7 வருட சாதனையை முறியடித்துள்ளார். இருவர்களுக்கிடையில் இருக்கும் வித்தியாசதம் 0.01 வினாடிதான் என்பது குறிப்பிடத்தக்கது.
கேம்ப்பெல் பந்தயத்தை தொடங்கி முதல் பாதியை 24.89 வினாடிகளிலும், 2-வது பாதி தூரத்தை 27.17 வினாடிகளிலும் கடந்தார். பிரிட்டா ஸ்டீபன் முதல் பாதி தூரத்தை 25.46 வினாடிகளிலும், 2-வது பாதி நேரத்தை 26.51 வினாடிகளிலும் கடந்தார்.
ஏற்கனவே கேம்ப்பெல் ஏப்ரல் மாதம் நடைபெற்ற ஆஸ்திரேலியன் சாம்பியன்ஷிப் போட்டியில் 52.38 வினாடிகளில் பந்தய தூரத்தை கடந்து முத்திரை பதித்திருந்தார்.