ஆஸ்திரேலியா மற்றும் வெஸ்ட் இண்டீஸ் அணிகள் மோதும் டி20 உலக கோப்பை பெண்கள் இறுதி போட்டி நாளை கொல்கத்தா நகரின் ஈடன் கார்டன் மைதானத்தில் நடைபெறுகிறது.
இப்போட்டி குறித்து வெஸ்ட் இண்டீஸ் அணியின் கேப்டன் டெய்லர் கூறும்பொழுது “அவர்கள் (ஆஸ்திரேலிய அணி) 3 முறை உலகக் கோப்பையை வென்றுள்ளனர். எங்களிடம் இழப்பதற்கு ஒன்றும் இல்லை. நாங்கள் விளையாட செல்கிறோம். நம்பிக்கையுடன் இருக்கிறோம். கோப்பையை முதன்முறையாக வெல்வதற்கு நாங்கள் நிச்சயம் விரும்புகிறோம்.
இதற்கு முன் 3 முறை கோப்பையை வென்றுள்ள ஆஸ்திரேலியாவுக்கு சாதகமாக இந்த முறையும் போட்டி அமைந்துவிட்டால் அவர்களுக்கு 4-வது வெற்றி கிடைக்கும். ஆனால், நாங்கள் பயந்துவிடவில்லை. பதற்றமின்றி விளையாடவே முயற்சிக்கின்றோம்” என கூறியுள்ளார்.