சென்னையில் வெள்ளத்தில் பாதிக்கப்பட்டவர்கள் பலர் நிவாரண முகாமில் தங்க வைக்கப்பட்டு உள்ளனர்.
அவர்களுக்கு ம.தி.மு.க. பொதுச் செயலாளர் வைகோ ரொட்டி மற்றும் உணவு வழங்கினார்.
நேற்று முன்தினம் சென்னை அண்ணா ஆதர்ஸ் கல்லூரி, நடுவங்கரை மற்றும் அண்ணா நகரில் பல்வேறு முகாம்களில் தங்க வைக்கப்பட்டுள்ள மக்களுக்கு உணவு வழங்கினார்.
2–வது நாளாக நேற்று நடுவங்கரை, சாந்தி காலனி அருகில் உள்ள எம்.ஜி.ஆர். காலனியில் உணவு வழங்கினார். அதன் பிறகு நுங்கம்பாக்கம் பகுதியில் ரொட்டி பொட்டலங்கள் வழங்கினார். இரவு பாப்பா பீ நகர் குடியிருப்போர் நலச் சங்கம் உள்ளிட்ட பூவிருந்தவல்லியில் உள்ள முகாம்களில் இரவு உணவு வழங்கினார்.
3–வது நாளாக இன்று காலை எழும்பூர் புனித அந்தோணியார் மண்டபத்தில் தங்க வைக்கப்பட்டுள்ள மக்களுக்கு மக்கள் நலக் கூட்டணி சார்பில், மறு மலர்ச்சி தி.மு.க. பொதுச் செயலாளர் வைகோ, விடுதலை சிறுத்தைகள் கட்சித் தலைவர் தொல்.திருமாவளவன் ஆகியோர் வேட்டி, சேலை, நைட்டி வழங்கினார்.
பின்னர் பூவிருந்தவல்லி அட்கோ நகரில் இருந்து புறப்பட்டு வெள்ளம் பாதித்துள்ள காடுவெட்டி, புதுச்சத்திரம், முத்து கொண்டாபுரம் மக்களை நேரில் சந்தித்து ஆறுதல் கூறுகிறார்.