முதலில் பேட்டிங் செய்த இந்திய அணி, தென்ஆப்பிரிக்காவின் அபார பந்து வீச்சில் 92 ரன்னில் சுருண்டது. இதனால் கோபம் அடைந்த ரசிகர்கள் மைதானத்திற்குள் தண்ணீர் பாட்டில்களை வீசினார்கள். பின்னர் தென்ஆப்பிரிக்கா பேட்டிங் செய்தது. அந்த அணி அஸ்வின் பந்தில் சற்று தடுமாறியது. முதல் மூன்று விகெட்டுக்களையும் அஸ்வின் வீழ்த்தினார்.
அதன்பின் முதல் போட்டியை வெற்றி பெற வைத்த டுமினி, பெஹார்ட்டியன் ஜோடி சேர்ந்தனர். இந்த ஜோடி சிறப்பாக விளையாடியது. தென்ஆப்பிரிக்கா அணி 11 ஓவர்கள் முடிவில் 3 விக்கெட் இழப்பிற்கு 64 ரன்கள் எடுத்திருந்தது. 9 ஓவரில் 29 ரன்கள் மட்டுமே எடுக்க வேண்டியிருந்ததால் ரசிகர் கடும் கோபம் அடைந்தனர்.
இதனை அடுத்து 45 நிமிடங்களுக்கு பிறகு ஆட்டம் மீண்டும் தொடங்கியுள்ளது. ஓவர்கள் குறைக்கப்படவில்லை. மீண்டும் போட்டி தொடங்கியதும் சிறப்பாக விளையாடிவந்த பெகார்டின் 11 ரன்களில் அவுட் ஆனார். அடுத்து வந்த மில்லர் சிக்ஸர் அடித்து அசத்தினார். டூமினி 30 ரன்கள் எடுத்து இறுதிவரை அவுட் ஆகாமல் இருந்தார். இறுதியில் தென் ஆப்ரிக்கா அணி 6 விக்கெட் வித்தியாசத்தில் எளிதாக வெற்றி பெற்றது. இந்திய தரப்பில் அஸ்வின் 3 விக்கெட்களை வீழ்த்தினார்.
12 ரன்களை மட்டும் கொடுத்து 3 விக்கெட்களை வீழ்த்திய அல்பி மோர்கல் ஆட்டநாயகனாக தேர்வு செய்யப்பட்டார்