ஸ்ரீலங்கா முஸ்லிம் காங்கிரஸின் கட்சி தலைமையகமான ‘தாருஸ்ஸலாமில்’ புணரமைக்கப்பட்ட காரியாலய தொகுதியை கட்சியின் தலைவரும் அமைச்சருமான ரவூப் ஹக்கீம் நேற்று மலை திறந்து வைத்தார்.
இன் நிகழ்வில் மௌலவி ஆதம் பாவா அவர்கள் விசேட பயான் சொற்பொழிவென்றை உரை நிகழ்த்தினார்.
இது போன்ற பயான் சொற்பொழிவு நிகழ்சிகள் இரு வியாழக்கிழமைக்கு ஒரு தடவை மஃரிப் தொழுகைக்கு பின்னர் கட்சி தலைமையம் தாருஸ்ஸலாம் கேட்போர் கூடத்தில் நடத்துவதற்கு ஏற்பாடு செய்யப்பட்டுள்ளதாக இங்கு உரையாற்றிய அமைச்சர் ரவூப் ஹக்கீம் குறிப்பிட்டார்.
இந்நிகழ்வில் கட்சியின் செயலாளர் எம்.ரி. ஹஸன் அலி, கட்சியின் தவிசாளர் பசீர் சேகுதாவூத், பாராளுமன்ற உறுப்பினர்கள், மாகாண சபை உறுப்பினர்கள், பிரதேச சபை உறுப்பினர்கள், கட்சியின் உயர்பீட உறுப்பினர்கள் மற்றும் கட்சித் தொண்டர்கள் என பலரும் கலந்து சிறப்பித்தனர்.
நீண்ட இடைவெளிக்குப் பின்னர் தலைவர் , செயலாளர் , தவிசாளர் ஒரே மேசையில் அமர்ந்திருந்தமை குறிப்பிடத்தக்கது.
