ஐ.எஸ். தீவிரவாதிகள், தனது மனைவிக்கு துரோகம் செய்து பிறிதொரு பெண்ணுடன் இரகசிய காதல் தொடர்பை வைத்திருந்த குற்றச்சாட்டில் தம்மால் பிடிக்கப்பட்ட ஒருவருக்கு தலையைத் துண்டித்து மரணதண்டனை நிறைவேற்றப்படுவதை வெளிப்படுத்தும் புதிய புகைப்படங்களை வெளியிட்டுள்ளனர்.
மேற்படி தீவிரவாதிகளால் தன்னினசேர்க்கையில் ஈடுபட்ட குற்றச்சாட்டில் 30 பேருக்கும் அதிகமானோருக்கு மரணதண்டனை நிறைவேற்றப்பட்டுள்ளதாக ஐக்கிய நாடுகள் சபை தெரிவித்துள்ள நிலையிலேயே இந்தப் புகைப்படங்கள் வெளியிடப்பட்டுள்ளன.
ஈராக்கிய நினெவெஹ் பிராந்தியத்திலேயே இந்த மரணதண்டனை நிறைவேற்றப்பட்டுள்ளது.ஐ.எஸ். தீவிரவாதிகளால் கைப்பற்றப்பட்டுள்ள பிராந்தியங்களில் தன்னினசேர்க்கையாளர்கள், பால்மாற்ற சிகிச்சை செய்துகொண்டவர்கள் மற்றும் காதலர்கள் ஆகியோர் நடத்தப்படும் விதம் குறித்து ஐக்கிய நாடுகள் சபையில் நடத்தப்பட்ட முதலாவது கூட் டத்தின் போதே அத்தகையவர்களுக்கு தீவிரவாதிக ளால் மரணதண்டனை நிறைவேற்றப்படுவது அதிகரித்துள்ளமை குறித்து விபரிக்கப்பட்டது.
இது தொடர்பில் சர்வதேச தன்னினசேர்க்கையாளர்கள் தொடர்பான மனித உரிமைகள் ஆணையகத்தின் நிறைவேற்று பணிப்பாளர் ஜெஸிக்கா ஸ்ரேர்ன் கூறுகையில், சிரியா மற்றும் ஈராக்கில் தீவிரவாதிக ளால் தன்னினசேர்க்கையாளர்களுக்கு கற்களால் எறிந்தும் துப்பாக்கியால் சுட்டும் தலையைத் துண் டித்தும் உயரமான கட்டடங்களிலிருந்து தள்ளியும் மரணதண்டனை நிறைவேற்றப்பட்டு வருவதாக கூறி னார்