ஜவ்பர்கான்
மட்டக்களப்பு பொலிஸ் பிரிவுக்குற்பட்ட மட்டக்களப்பு சின்ன உப்போடையில் வீடொன்றில் நிறுத்தி வைக்கப்பட்டிருந்த மோட்டார் சைக்கிளொன்று இனந்தெரியாதோரினால் இன்று (24.8.2015) அதிகாலை தீ வைக்கப்பட்டு எரிக்கப்பட்டுள்ளதாக மட்டக்களப்பு பொலிசார் தெரிவித்தனர்.
மட்டக்களப்பு சின்ன உப்போடை 2ம் குறுக்குத்தொருவிலுள்ள சாம்பசிவம் கணேசகுமார் என்பவரின் வீட்டின் வளவில் நிறுத்தி வைக்கப்பட்டிருந்த யமஹா லேடிஸ் மோட்டார் சைக்கிள் இன்று அதிகாலை ஒரு மணியளவில் இனந்தெரியாதோரினால் தீ வைக்கப்பட்டு எரிக்கப்பட்டுள்ளது. இதனால் குறித்த மோட்டார் சைக்கிள் முற்றாக எரிந்துள்ளதுடன் மோட்டார் சைக்கள் நிறுத்தி வைக்கப்பட்டிருந்த இடத்தில் தொங்க விடப்பட்டிருந்த துவிச்சக்கர வண்டியொன்றும் எரிந்துள்ளது.
குறித்த வீட்டார் தூக்கத்திலிருந்த போது இந்தச் சம்பவம் இடம் பெற்றுள்ளது. குறித்த மோhட்டார் சைக்கிள் 225000 ரூபா பெறுமதியானது என பொலிசார் தெரிவித்தனர்.
சம்பவ இடத்திற்கு சென்ற குற்றம் நடந்த இடத்தை பரிசோதனை செய்யும் மட்டக்களப்பு மாவட்ட பொலிஸ் குழவின் அதிகாரியான கே.ரவிச்சந்திரன் தலைமையிலான பொலிஸ் குழு விசாரணைகளை மேற் கொண்டனர்.
இந்த சம்பவம் தொடர்பாக மட்டக்களப்பு பொலிசார் தொடர்ந்து விசாரணைகளை மேற் கொண்டு வருகின்றனர்.
