தௌஹீத் ஜமா அத்தின் அப்துர் ராசிக் புத்தபெருமானை தூசித்து பேசியமை மன்னிக்க முடியாத குற்றமாகும். அவரை யார் மன்னிப்பது? புத்தரை அவமதித்துப் பேசிவிட்டு தவறுதலாகப் பேசி விட்டேன் என்று பொய் பேசும் அவர் ஒரு பெரும் குற்றவாளி, என பொதுபல சேனா அமைப்பின் செயலாளர் கலகொட அத்தே ஞானசார தேரர் தெரிவித்தார்.
கொழும்பு நீதிவான் நீதிமன்றில் நடைபெற்றுவரும் புத்தரை அவமதித்துப் பேசிய வழக்கில் தான் தவறுதலாக புத்தரை அவமதித்து விட்டேன் எனத் தெரிவித்திருப்பதும், வழக்கை முடிவுக்கு கொண்டுவர, கோரியிருப்பதும் வேடிக்கையாக இருக்கிறது. அவர் தண்டனையை அனுபவித்தே தீர வேண்டும் என்றும் அவர் கூறினார்.
கொழும்பு நீதிவான் நீதிமன்றில் நடைபெற்றுவரும் பொதுபல சேனா தாக்கல் செய்திருந்த தௌஹீத் ஜமா அத் முன்னாள் செயலாளர் அப்துர் ராசிக்குக்கு எதிரான மத நிந்தனை வழக்கு தொடர்பில் கருத்து தெரிவிக்கையிலே ஞானசார தேரர் இவ்வாறு கூறினார்.
அவர் தொடர்ந்தும் கருத்து தெரிவிக்கையில்;
புத்தரை அவமதித்தவர் தண்டனை பெற்றே தீர வேண்டும் என்பதில் நாம் உறுதியாக இருக்கிறோம்.
இறுதிவரை நீதிக்காக போராடுவோம் என்றார்.