ஸ்ரீலங்கா சுதந்திரக்கட்சியை மிகவும் குறைந்த எண்ணிக்கையிலான முஸ்லிம்களே ஆதரித்து வந்தனர். எனது ஆட்சிக்காலத்தில் முஸ்லிம்களின் ஆதரவு அதிகரித்தது.
இதனைப் பொறுக்க முடியாதவர்களே சதிசெய்து என்னிலிருந்தும் முஸ்லிம்களைப் பிரித்தனர் என முன்னாள் ஜனாதிபதியும் குருநாகல் மாவட்ட பாராளுமன்ற உறுப்பினருமான மஹிந்த ராஜபக்ஷ தெரிவித்தார்.
நேற்றுமுன்தினம் பத்தரமுல்லையில் உள்ள அவரது காரியாலயத்தில் இடம்பெற்ற ‘முஸ்லிம் முற்போக்கு முன்னணி’யின் அங்குரார்ப்பண நிகழ்வின்போதே அவர் மேற்கண்டவாறு தெரிவித்தார்.
நான் முஸ்லிம்களுக்கு மாத்திரமல்ல எந்தவோர் இனத்துக்கும் அநியாயம் செய்யவில்லை. இதேவேளை, எனது அமைச்சரவையில் ரவூப் ஹக்கீம், ரிசாத் பதியுதீன், பைசர் முஸ்தபா, எம்.எல்.ஏ.எம். ஹிஸ்புல்லாஹ் மற்றும் ஏ.எச்.எம்.பௌசி ஆகியோர் அங்கம் வகித்தார்கள். இன்று அவர்கள் மைத்திரிபால சிறிசேனவைச் சுற்றியிருக்கிறார்கள். ஜனாதிபதி மைத்திரிக்கும் எனது கதிதான் ஏற்படப்போகிறது என்றார்.