ஒலிம்பிக்கில் பிரேசில் கால்பந்து அணி முதல் முறையாக தங்கம் வென்றது

ரியோ ஒலிம்பிக் கால்பந்து போட்டியில் நெய்மர் தலைமையிலான பிரேசில் அணி தங்கப்பதக்கம் வென்றது. அந்த அணி இறுதிப்போட்டியில் ஜெர்மனியை வீழ்த்தியது.

ஆட்டத்தின் முடிவில் இரு அணிகளும் தலா 1 கோல் போட்டு இருந்தனர். நெய்மர் 26-வது நிமிடத்திலும், ஜெர்மனி அணியில் மேயர் மேக்சிமிலன் 59-வது நிமிடத்திலும் கோல் அடித்து இருந்தனர். பெனால்டி ஷூட்டில் பிரேசில் 5-4 என்ற கணக்கில் வென்று சாம்பியன் பட்டம் பெற்றது. இந்த வெற்றி உலககோப்பையில் ஏற்பட்ட தோல்விக்கு பதிலடி கொடுத்தது.

நைஜீரிய அணி 3-2 என்ற கோல் கணக்கில் ஹோண்டுராசை வீழ்த்தி வெண்கல பதக்கம் பெற்றது. ஒலிம்பிக்கில் பிரேசில் கால்பந்து அணி முதல் முறையாக தங்கம் வென்றது.