இரவு 7.30 மணிக்கு மராட்டிய மாநிலம் நாக்பூரில் நடக்கும் ஆட்டத்தில் (குரூப்1) வெஸ்ட் இண்டீஸ்- தென்ஆப்பிரிக்கா அணிகள் மோதுகின்றன.
ஏற்கனவே இங்கிலாந்து, இலங்கை அணிகளை வீழ்த்தியுள்ள டேரன் சேமி தலைமையிலான வெஸ்ட் இண்டீஸ் அணி இன்றைய ஆட்டத்திலும் வெற்றி பெற்று அரைஇறுதியை உறுதி செய்யும் முனைப்பில் இருக்கிறது.
‘உலக கோப்பையை வெல்ல மொத்தம் 6 படிக்கட்டுகளை கடக்க வேண்டி இருக்கிறது. இதில் 2 படியை (2 லீக் ஆட்டம்) தாண்டி விட்டோம். இன்று இன்னொரு படியை கடந்து முன்னோக்கி செல்ல வேண்டும் என்பதே எங்களது இலக்கு’.
–வெஸ்ட் இண்டீஸ் கேப்டன் டேரன் சேமி.
‘முதல் நாளில் நாக்பூரில் நாங்கள் பயிற்சி செய்த போது ஆடுகளம் உலர்ந்து காணப்பட்டது. அதற்கு ஏற்ப எங்களை தயார்படுத்த மாற்றிக்கொண்டோம். ஆனால் இப்போது ஆடுகளத்தன்மை கொஞ்சம் மாறியிருக்கிறது. ஆனாலும் சுழற்பந்து வீச்சு அதிகமாக எடுபடுவதற்கே வாய்ப்பிருக்கிறது’.
–தென்ஆப்பிரிக்க கேப்டன் பிளிஸ்சிஸ்.