இராமேசுவரத்தில் அனைத்து விசைப்படகுகளும் மீன்பிடிக்க செல்லாமல் காலவரையற்ற வேலைநிறுத்தம் !

கூட்டத்தில் நிறைவேற்றப்பட்ட தீர்மானங்கள் வருமாறு:- 

* இலங்கையில் உள்ள தமிழக மீனவர்களின் 68 படகுகளையும் மத்திய, மாநில அரசுகள் விடுவிக்க நடவடிக்கை எடுக்க வேண்டும். 

* மீன்பிடிக்க உரிமையுள்ள கச்சத்தீவு கடல் பகுதியில் தமிழக மீனவர்களை மீன்பிடிக்க விடாமல் இலங்கை கடற்படையினர் விரட்டியடித்து பிடித்து செல்லும் படகுகளை விடுவிக்காமல் உள்ளனர். இலங்கையில் உள்ள அனைத்து படகுகளையும் விடுவிக்காவிட்டால் இந்திய-இலங்கை அரசால் வருகிற பெப்ரவரி மாதம் 20-ம் திகதி நடத்தப்படும் கச்சத்தீவு புனித அந்தோணியார் ஆலய திருவிழாவில் மீனவர்கள் கலந்து கொள்ளாமல் ஒட்டு மொத்தமாக புறக்கணிப்பது. 

* இலங்கை கடற்படையால் கைது செய்யப்படும் தமிழக மீனவர்களுக்கு 6 மாத சிறை தண்டனையும், மீனவர்களை விடுவிப்பதற்கு ரூ.5 இலட்சம் அபராதமும் என்று அறிவித்து மீனவர்களின் படகுகள் அரசு உடைமையாக்கப்படும் என்ற இலங்கை அரசின் அறிவிப்பை மீனவர்கள் வன்மையாக கண்டிக்கிறோம். 

* இலங்கை கடற்படையால் சிறைபிடிக்கப்பட்டு இலங்கை நீதிமன்றத்தால் விடுதலை செய்யப்பட்ட 18 படகுகளுக்கும் இதுவரை அரசு சார்பில் நிவாரணம் வழங்கப்படவில்லை. 18 படகுகளின் உரிமையாளர்களுக்கு அரசு உரிய நிவாரணம் வழங்க வேண்டும். 

* இலங்கையில் உள்ள 68 படகுகள் மற்றும் 7 மீனவர்களை விடுதலை செய்ய வலியுறுத்தி நாளை (26-ம் திகதி) நாகப்பட்டினத்தில் மீனவர்கள் சார்பாக நடைபெறும் உண்ணாவிரத போராட்டத்திற்கு ஆதரவு தெரிவித்து இராமேசுவரம் மீனவர்கள் கலந்து கொள்வது, இந்த கோரிக்கைகளை வலியுறுத்தி இன்று (25-ம் திகதி) முதல் இராமேசுவரத்தில் அனைத்து விசைப்படகுகளும் மீன்பிடிக்க செல்லாமல் காலவரையற்ற வேலைநிறுத்தத்தில் ஈடுபடுவது. 

இவ்வாறு கூட்டத்தில் தீர்மானங்கள் நிறைவேற்றப்பட்டுள்ளன.