உம்மா நான் உம்றாக்கு போறன் -தொடர்ந்து
ஒவ்வொரு வருடமும் ஓயாமல் போறன்.
சும்மா நான் ஜொலிக்காகப் போறன்-இங்கு
ஷோ காட்டி வாழாட்டி சுற்றத்தார் மதிக்கார்.
சாச்சி பெரியம்மா பசியால்-ஊரில்
சாகக் கிடந்தாலும் நான் உதவ மாட்டேன்.
ஈச்சம் பழம் கொண்டு வருவேன்-அதன்
இடையில தங்கம் பிஸ்கட்டா இருக்கும்.
பருப்போடு பாண் தின்னும் போதும்-பின்னர்
பள்ளியில் பக்தியாய் தவாப் செய்யும் போதும்
குறூப்போடு செல்பிகள் எடுப்பேன்-fbயில்
குறிப்போடு போட்டு குஷியாக இருப்பேன்.
விமானத்தில் தருகின்ற பெட்சீட்-அதை
விளங்காமல் சுருட்டி
வைப்பேனே பேக்கில்
அமானத்தை நான் பேண மாட்டேன்-ஆனாலும்
அடுக்காக உம்றாக்குப் போவேன்
செக்குக்கு டேட் போட்டு கொடுப்பேன்-பின்
செரியான டேட்டுக்கு பணம் போட முன்னால்
மக்காக்கு டக்கென்று போவேன்-அந்த
மக்கிங்கு செக்கோடு சிக்கலில் தவிப்பான்.
உம்றாக்கு போகின்ற பலபேர்
உண்மையில் நல்லோர்கள்
உயர்ந்திட்டார் அமலில்.
சும்மாவும் போகின்றார் சிலபேர்-இங்கு
சொன்னது அந்த சிலபேர்க்கு மட்டும்.
(காத்தான்குடி நிஷவ்ஸ் -14/12/2015)