எஸ்.அஷ்ரப்கான்
இறக்காமம் அஷ்ரப் மத்திய கல்லூரி விளையாட்டு மைதானம் விளையாட்டுத்துறை பிரதி அமைச்சர் சட்டத்தரணிஎச்.எம்.எம்.ஹரீஸின் 01 மில்லியன் ரூபா நிதி ஒதுக்கீட்டில் அபிவிருத்தி செய்யப்படவுள்ளது.
இதற்கான நிதி விளையாட்டுத்துறை அமைச்சினால் ஒதுக்கீடு செய்யப்பட்டுள்ளது.
இது தொடர்பாக கண்டறியும் பொருட்டு இன்று விளையாட்டுத்துறை பிரதி அமைச்சர் சட்டத்தரணி எச்.எம்.எம்.ஹரீஸ் நேற்று (28) நேரடியாக விஜயம் செய்து பார்வையிட்டார்.
இதன்போது பாடசாலை அதிபர் எஸ்.எம்.இஸ்மாயில், இறக்காமம் பிரதேச சபையின் முன்னாள் தவிசாளர் யூ.கே.ஜாபீர், இறக்காமம்பிரதேச செயலாளர் ஏ.எல்.எம்.நஸீர் மற்றும் பிரதேச சபை உறுப்பினர்கள் ஆகியோருடன் கலந்துரையாடினார்.
இதன்போது குறித்த நிதியைக் கொண்டு ஒரு மாத காலத்தினுள் மைதானத்தை அபிவிருத்தி செய்து வேலையை முடிவுறுத்துமாறுபணிப்புரை விடுத்துள்ளார்.
