அசாகிம்
வாகரை பிரதேச செயலாளர் பிரிவில் மீயான்குளம் என்ற பிரதேசத்தில் யானை தாக்கியதில் குடும்பஸ்தர் ஒருவர் மரமடைந்த சம்பவம் இன்று (28.10.2015) பிற்பகல் 04.30 மணியளவில் இடம் பெற்றதாக வாழைச்சேனை பொலிஸார் தெரிவித்தனர்.
மரணமடைந்தவர் ஓட்டமாவடி மௌலானா வீதியைச் சேர்ந்த 03 பிள்ளைகளின் தந்தையான முஹைதீன்பாவா முஹம்மது ஹனீபா (வயது – 56) என அடையாளங்கானப்பட்டுள்ளது.
இவர் இன்று பிற்பகல் 04.30 மணியளவில் வாகரை பிரதேசத்தில் காரமுனை பிரதேசத்தில் உள்ள தனது வயலுக்குச் செல்லும் வழியில் மீயான்குளப் பிரதேசத்தில் வைத்து யானை தாக்கியதில் காமடைந்த நிலையில் வாழைச்சேனை ஆதார வைத்தியசாலையில் அனுமதிக்கப்பட்ட நிலையில் சிகிச்சை பலனின்றி உயிர் இழந்துள்ளார்.
தற்போது சடலம் வாழைச்சேனை ஆதார வைத்தியசாலையில் வைக்கப்பட்டுள்ளதுடன் சம்பவம் தொடர்பான விசாரனைகளை வாழைச்சேனை பொலிஸார் மேற்கொண்டு வருகின்றனர்.