நட்சத்திர துடுப்பாட்ட வீரரான சச்சின் டெண்டுல்கர் பஸ்ஸை தவறவிட்டு, லிப்ட் கேட்டார் என்றால் அதை நம்புவதற்கு நம்மில் எத்தனை பேர் தயாராக உள்ளோம்.
ஆனால், இரு நாட்களுக்கு முன்பு அப்படி ஒரு சம்பவம் நடந்துள்ளது. டென்னிஸ் விளையாட்டு பிரியரான, சச்சின் டெண்டுல்கர், விம்பிள்டன் போட்டிகளை கண்டுகளிப்பதற்காக லண்டன் சென்றிருந்தார். 11 ஆம் திகதி, கிரேட்ஹஸ்லி சென்ற அவர் அங்கிருந்து வெளியிட்ட பதிவில், “கடைசி பஸ்சை மிஸ் செய்துவிட்டு கிரேட்ஹஸ்லியில் நிற்கிறேன். யாராவது லிப்ட் தர முடியுமா?” என்று கேட்டுள்ளார்.
இந்த பதிவை பார்த்து உணர்ச்சிவசப்பட்ட ரசிகர்கள், பல்வேறு வகையாக தமது பதிவுகளை இட்டனர். பஸ் நிறுத்தத்தில், சச்சின் காத்திருப்பது போன்ற இன்ஸ்டாகிராம் படத்தையும் அதில் இணைத்துள்ளார்.
