Mohamed Nizous
பிள்ளையின் பெயரில்
பேஷ் புக்கில் திரிபவள்
வாப்பாவின் பெயரில்
வட்ஸப்பில் இருப்பவள்
மனைவி எனும் பெயரில்
மன்னராட்சி செய்பவள்
மாணவி எனும் பெயரில்
மார்க்ஸ் கூட எடுப்பவள்
சிறுமி எனும் பெயரில்
செல்லமாய்க் கெஞ்சுபவள்
உம்மா எனும் பெயரில்
உயிர் தேய்ந்து வளர்ப்பவள்
மகள் எனும் பெயரில்
மனதை வருடுபவள்
அக்கா எனும் பெயரில்
அக்கறையாய்ப் பார்ப்பவள்
தங்கை எனும் பெயரில்
தங்கி வாழ்பவள்
பாட்டி எனும் பெயரில்
பழங்கதை சொல்பவள்
பெண் என்ற பெயரில்
பிறருக்காய் வாழ்பவள்….!