லிபியாவிலுள்ள ஐ.எஸ். தீவிரவாத குழுவின் தலைவரை இலக்கு வைத்து அமெரிக்கா நடத்திய தாக்குதலில் அந்தத் தீவிரவாத குழு தலைவர் இறந்து விட்டதாக அமெரிக்கப் பாதுகாப்பு அமைப்பான பென்டகன் சனிக்கிழமை தெரிவித்தது.
மிகவும் தேடப்படும் ஐ.எஸ். தீவிரவாத குழுவின் உறுப்பினரான ஜிஹாதி ஜோனை இலக்கு வைத்து நடத்தப்பட்ட தாக்குதல்களைத் தொடர்ந்தே மேற்படி தாக்குதல் நடத்தப்பட்டுள்ளது.
லிபியாவில் அமெரிக்கா நடத்திய வான் தாக்குதலில் நீண்ட கால அல்–கொய்தா செயற்பாட்டாளரும் ஈராக்கிய பிரஜையுமான விஸ்ஸம் நஜ்ம் அப்ட் ஸாயத் அல் ஸுபேய்டி என அறியப்படும் அபு நாபில் மரணமடைந்துள்ளதாக பென்டகன் தெரிவிக்கிறது.
டெர்னா நகரிலுள்ள தீவிரவாதிகளின் வளாகம் ஒன்றை இலக்கு வைத்து கடந்த வெள்ளிக்கிழமை இந்தத் தாக்குதல் நடத்தப்பட்டுள்ளது.
இந்தத் தாக்குதலில் ஸுபேய்டி கொல் லப்பட்டுள்ளது உறுதி என பென்டகன் குறிப்பிட்டுள்ளது.