கொவிட் 19 தொற்று தொடர்பில் தகவல்களை வழங்காது மறைப்போர் கைது செய்யப்படுவர்

குடும்பத்தின் கொவிட் 19 தொற்று தொடர்பில், சுகாதார அதிகாரிகளுக்கும் பொலிஸாருக்கும் தகவல்களை வழங்காது மறைப்போர் கைது செய்யப்பட்டு சட்ட நடவடிக்கைகளுக்கு உட்படுத்தப்படுவார்கள் என பொலிஸ் சட்டப் பிரிவின் பிரதிப் பொலிஸ் மா அதிபர் அஜித் ரோஹன எச்சரித்தார்.

கொரோனா வைரஸ் தொற்றின் பரவலை கட்டுப்படுத்த, தொற்றாளர்களின் தொடர்பாடல் வலையமைப்பு, அவர்களுடன் பழகியவர்களின் விபரங்களை சுகாதார அதிகாரிகளும் பொலிசாரும் வெளிப்படுத்தி அதனூடாக தேவையான நடவடிக்கைகளை எடுத்து வருகின்றனர்.

இந் நிலையில் , பொது சுகாதார பரிசோதகர்கள், பொலிஸார், இந்த பணிகளுக்காக தொழிற்சாலைகளுக்கு, அதனுடன் தொடர்புபட்ட இடங்களுக்கு, வீடுகளுக்கு சென்று விடயங்களை கேட்கும் போது வெளிப்படையாக உண்மையான தகவல்களை வழங்க வேண்டும்.

பொய்யான தகவல்களை வழங்குதலே அல்லது தகவல்களை மறைப்பதோ பின்னர் விசாரணைகளில் தெரியவந்தால் அவசியம் அவர்களுக்கு எதிராக சட்ட நடவடிக்கை எடுக்கப்படும் என்றும் அவர் கூறினார்.