Mohamed Nizous
“நீ” எனும் ஓர் எழுத்து ஜீவன்
‘நீர்” எனும் 2 எழுத்தை
நிலத்தில் தேக்க
‘டெங்கு’ எனும்
3 எழுத்து
முஷோலினியை
‘நுளம்பு” எனும்
4 எழுத்து காவி வரும்.
‘காய்ச்சல்’ எனும்
5 எழுத்து மூச்சை நெருக்க
‘ஆஸ்பத்திரி’ எனும்
6 எழுத்து அடைக்கலம் கொடுக்கும்.
‘இரத்த மாதிரி’ எனும்
7 எழுத்து இடியாய் இடிக்க
‘இறைவா காப்பாற்று’ எனும்
8 எழுத்தில் இதயம் துடிக்கும்.
‘ஒன்றும் செய்ய ஏலா’ எனும்
9 எழுத்தில் உயிர் அடங்கும்.
இல்லை
‘குணமடைந்து விட்டார்’ எனும்
10 எழுத்தில் பதற்றம் தணியும்.
பூச்சியமாகும்
பூத்திருந்த வாழ்வு
நீ எனும்
ஓரெழுத்து ஜீவன்
நீரை நினைத்தபடி தேக்கியதால்….!